paramiz.net e čhavorenđe badihava paramiza ko internet
O internet than paramiz.net tano e čhavorengoro barvalipe. Amare Romane čhavore ko akava than šaj te khuven keda mangena hem badihava te čitinen dijekh paramiz. Zalo čhavore ko akava than šukar te khuven hem o jeri te čitinen peklje čhavorenđe dijekh paramiz angljeder o sojbe. Ama, akala paramiza šaj pana pobuter te pomožinen e sikavnen ki Romani čhib. O sikavne šaj barabar e čhavorencar ki škola te čitinen o paramiza hem palo odova šaj te diskutirinen hem te čeren analize.
O paramiza tane pisime ki odija čhib sar so vačeraja čhere!
O internet than paramiz.net čerđa o Sead Šerifi - Sejo. Zalo odova, ov hem finansirinđa o internet than, pisinđa o paramiza ki Romani čhib hem redizajnirinđa o ilustracie. O Arli dialekti hem o Arlije isi oljen specialno than ko e Sejosoro vilo. Ov isi olje but baro čefi te ačhava disavo šukaripe palo amende. Najencar te takina, jačhencar te dikha hem vileja te osetina!